Nəşrlər

Bu broşura, «İctimai–fəal məktəb» modelinin Gəncə şəhərinin iki pilot məktəbində tətbiq edilməsi çərçivəsində, keçirilmiş psixoloji seminarlarda müəllimlərin, şagirdlərin və icma üzvlərinin (sakinlərin) birgə araşdırması nəticəsində ortaya çıxmış suallara cavab verir.

Broşura qeyd olunan ictimai qruplara (müəllimlər, şagirdlər, valideynlər, sakinlər) psixoloji yardım məqsədi ilə çap edilmişdir.

Bu broşurada həddi-buluğa çatmış gənc qızların və gənc anaların məruz qaldığı psixoloji, hüquqi, iqtisadi, ailə-məişət problemlərinin, təhsil problemlərinin araşdırılmasına həsr olunmuş seminar-konfrans materialları toplanmışdır.

Broşura qeyd olunan gender qrupunun üzləşdiyi problemlərin aradan qaldırılmasına cəmiyyətin diqqətinin artırılması məqsədilə çap edilmişdir.

Bu broşura, bələdiyyələrdə sosial problemlərin analizi və strateji planlaşdırılma ilə bağlı Azərbycan Respublikasının Qərb regionunda (Gəncə və Gəncəbasarda) aparılan tədqiqalar toplusudur. Broşurada müxtəlif bələdiyyələrdə aparılmış tədqiqatlar və onların analizi, sosial problemlərin həlli yolları və strateji planlaşdırma metodları göstərilmişdir.

Broşuradan bələdiyyə qulluqçuları, bələdiyyə üzvləri, icma və bələdiyyə problemləri ilə məşğul olan QHT-lər, digər təşkilatlar və universitet tələbələri istfadə edə bilərlər.

Bu metodik vəsait «Bilik» MQHT tərəfindən həyata keçirilən «Vətəndaş təhsili» proqramı çərçivəsində çap edilmişdir.

Metodik vəsait informasiya texnologiyalarından istifadə ilə bağlı milli resursların artırılması məqsədi daşıyır.

Metodik vəsaitin əsas üstünlüyü ondan ibarətdir ki, burada bütün mövzular konkret və lakonik şəkildə verilmişdir. Bu isə hər bir informasiya istifadəçisinə, öz ehtiyaclarını ödəmək üçün, zəruri olan komputerdən istifadə bacarıqları əldə etməsinə imkan yaradır.

Metodik vəsait müxtəlif vətəndaş cəmiyyəti qrupları, o cümlədən, şagirdlər, tələbələr, müstəqil fəaliyyətə başlayan gənclər, icma nümayəndələri, bələdiyyə üzvləri və qulluqçuları üçün nəzərdə tutulmuşdur.

Bu vəsait Azərbaycanda bələdiyyə institutlarının nisbətən yeni yaranması ilə bağlı (1999 il) bələdiyyələrin icra aparatının işinin təşkilinə, yerli özünüidarəetmə orqanlarının təşkilati əsaslarının qurulmasına həsr edilmişdir.

Metodik vəsaitə bələdiyyələrin nümunəvi iş reqlamenti, icra aparatında kargüzarlığın aparılması qaydaları, ştat cədvəli, istifadə olunan sənədlərin vahid forma və nümunələri daxil edilmişdir.

Metodik vəsait rayon, qəsəbə və kənd bələdiyyələrinin praktik istifadəsi üçün nəzərdə tutulmuşdur.

Meşələrin, meşə zolaqlarının qırılmasının qarşısının alınması, bunu doğuran səbəblərin aradan qaldırılması, habelə meşə və meşə massivlərinin qorunması və artırılması, ətraf mühitin qorunması sahəsində vətəndaş cəmiyyəti qarşısında duran əsas ekoloji vəzifələrdəndir.

Bu broşura meşələrin qorunub saxlanılması və bərpası, meşə sərvətlərindən düzgün istifadə sahəsində xüsusi biliklərin, habelə vətəndaşların qanunvericilikdə nəzərdə tutulan ekoloji hüquq və vəzifələrinin təbliği məqsədilə çap edilmişdir.

Bu metodik vəsait «Bilik» MQHT tərəfindən həyata keçirilən «Vətəndaş cəmiyyəti quruculuğu və biznesin inkişafı» proqramı çərçivəsində sahibkarlığın regionda inkişafına kömək məqsədi ilə çap edilmişdir.

Metodik vəsaitə müəssisələrdə mühasibatlığın avtomatlaşdırılmasını təmin edən «Excel», «AzMühasib» kimi müasir proqram təminatları daxildir. Buraya praktik nümunələrin salınması metodik vəsaitdən istifadəni xeyli asanlaşdırır.

Metodik vəsait sahibkarlığın inkişafında maraqlı olan təşkilatlar, biznes-məsləhət mərkəzləri, habelə sahibkarlıq fəaliyyəti ilə məşğul olmaq istəyən şəxslər üçün faydalı ola bilər.

Bu broşura «Bilik» MQHT tərəfindən həyata keçirilən «Vətəndaş təhsili» proqramı çərçivəsində çap edilmişdir.

Broşuraya gənclərin, demokratik cəmiyyətin məsuliyyətli, fəal bir vətəndaşı kimi formalaşmasında, ehtiyac duyulan hüquqi, ictimai, mənəvi, iqtisadi, təhsil bölmələri, habelə vətəndaş cəmiyyətinin əsas prinsipləri haqda məlumatlar daxil edilmişdir.

Broşura vətəndaş təhsili ilə məşğul olan təlimçilərə, ictimai təşkilatlara və digər qurumlara köməkçi material kimi çap edilmişdir.

Bu metodik vəsait, «Bilik» MQHT tərəfindən «İctimai-fəal məktəb» modelinin Gəncə şəhərinin iki pilot məktəbində tətbiq edilməsi çərçivəsində, sahibkarlıqla məşğul olmaq istəyən və ya arzusunda olan yuxarı sinif şagirdlərinə, məktəb məzunlarına, məktəbin yerləşdiyi ərazidə yaşayan digər icma üzvlərinə kömək məqsədi ilə çap edilmişdir.

Metodik vəsaitə «Sahibkarlığın hüquqi formaları», «Kreditin alınması», «Mühasibat uçotu», «Vergilərin ödənilməsi», «Biznes planının hazırlanması»bölmələri daxil edilmişdir ki, bu da sahibkarlığa yeni başlayanlar üçün çox vacib bir köməkdir. Hər bir bölməyə aid praktik nümunələrin salınması, metodik vəsaitdən praktik istifadəni xeyli asanlaşdırır.

Metodik vəsait sahibkarlığın inkişafında maraqlı olan təşkilatlar, biznes-məsləhət mərkəzləri, habelə sahibkarlıq fəaliyyəti ilə məşğul olmaq istəyən şəxslər üçün də faydalı ola bilər.

“Ms Office- Praktik istifadədə əsas məqamlar” yaddaş kitabçasının hazırlanmasında əsas məqsəd fasiləsiz təhsilin təşkili çərçivəsində, müxtəlif peşə, fəaliyyət və sosial mənsubiyyəti olan kitabxana istifadəçiləri və digər icma təmsilçiləri tərəfindən Ms Office proqramlarından cari istifadənin asanlaşdırılmasıdır.

Bu vəsait «Bilik» QHT tərəfindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə hazırlanmışdır.